हृदय मे अवस्थित वाल्व(वाल्व)

 

आई हम वाल्व के चर्चा कए रहल छी। वाल्व हृदयक चैम्बर सभ मे नस कें बीच फाइबर सँ बनल फ्लैप होइत अछि जे रक्त के सदैव आगाँ तरफ जाय , पाछाँ तरफ घुरि नहि अबैक ताहि लेल उपस्थित रहैत अछि। वाल्व सुनिश्चित करैत अछि जे रक्तक वहाव एक्के दिशा (Unidirection) मे होइक।

वाल्वक कार्यक अनुसार ओ दू प्रकारक होइत अछि।

1.एट्रियोवेंट्रिकुलर वाल्व:-  एट्रिया और वेंट्रिकलक बीच जे वाल्व होइत अछि ओकरा एट्रियोवेंट्रिकुलर वाल्व कहल जाइत अछि। दहिना कातक एट्रिया आ वेंट्रिकल कें बीच जे वाल्व होइत अछि तकरा ट्रिकसपिड(Tricuspid) वाल्व कहल जाइत अछि।

ओही तरहें वामा तरफ एट्रिया आ वेंट्रिकल कें बीच जे वाल्व होइत अछि तकरा मिटरल(Mitral) वाल्व कहल जाइत अछि।

2.सेमिळूनर वाल्व(अर्ध चंद्राकार वाल्व):- वामा कातक वेंट्रिकल तथा  ऐरोटाक बीच जे वाल्व होइत अछि तकरा सेमिळूनर वाल्व कहल जाइत अछि। ओही तरहेँ दहिना कातक वेंट्रिकल तथा

पल्मोनरी धमनीक बीच एक टा वाल्व रहैत अछि तकरो सेमिळूनर वाल्व कहल जाइत अछि।

सारांश मे हृदयक वाह्य एवं आंतरिक सभ अंगक चर्चा कएल 

अगिला ब्लॉग मे हृदय सम्बन्धित बीमारी , लक्षण, परीक्षण(tests) आ उपचार इत्यादि विषय मे चर्चा करब।





Comments

Post a Comment

Popular posts from this blog

अस्थिर एनजाइना हेतु उपचार

 चिकित्सक सर्वप्रथम ई प्रायश करैत छथि जे हृदयघात नहि हो। ताहि लेल ओ खून के पातर करैक हेतु दवाई दैत छथि। एस्पिरिन या क्लोपीडोगरेल उदाहरण लेल दवाईक नाम अछि। ओ एहि अवस्था मे नाइट्रोग्लिसरीन तथा हेपरिन दय सकैत छथि। एहि अवस्था मे भय सकैत अछि जे मरीज के उच्च कोलेस्ट्रॉल , उच्च रक्त चाप एवं हृदयक धड़कन सामान्य करैक लेल दवाई देल जानि। रक्त थक्का समाप्त होइ संगहि नया रक्त थक्का नहि होइक ताहू लेल लेल दवाई देल जा सकैत अछि। आवश्यकतानुसार चिकित्सक एंजियोप्लास्टी आओर स्टेंट लगबैत छथि आ हृदय के बाईपास सर्जरी सेहो कय सकैत छथि। निर्भर करैत अछि जे स्थिति केहेन छैक। चिकित्सक द्वारा जे परामर्श हो ओ  दवाई उपयोग करी। अपना मोने छोर बार नहि करी। हाँ जीवन शैली में सुधार अवश्य करी। धूम्रपान या निकोटिन के सेवन नहि करी।चिकित्सक के परामर्श सँ आवश्यकीय किछु शारीरिक व्यायाम तथा टहलनाई फायदा योग्य अछि। कदाचित मदिरा पान करैत होइ त ओकरा संजमित रूप में करी। उपयुक्त भोजन, उपयुक्त दिनचर्या , अन्हाघाहिस दवाईक उपयोग सँ परहेज, मोटापा पर नियंत्रण एहि सब सँ बचाव होयत ।
Read more

हृदय सँ सम्बन्धित बीमारी(अस्थिर एनजाइना)

 आइ हम हृदय सँ सम्बन्धित किछु सामान्य बीमारी सभक चर्चाक प्रारम्भ कए रहल छी। सर्वप्रथम बीमारी आ बीमारी चिनहैक लेल अनेकानेक परीक्षण विषय मे।  * *अस्थिर एनजाइना**  एहि मे छाती , बैंह, जबड़ा, कन्हा, गर्दैन मे दर्द एवं खिंचावक अनुभूति होमय लगैत अछि। आराम के स्थिति मे या कोनो मिहनत नहियों केलाक स्थित मे एहि तरहक दर्द होइत अछि। साँस फुलनै,पसीना एनै, रद्द भेनै, पेट मे दर्द भेनै, चक्कर एनै, थकान लगनै,बेहोशी एनै इत्यादि सभ सेहो भ सकैत अछि। कखनो काल एहि सब लक्षण कें ठीक सँ नहि बूझि पबैत छथि। मगर एहि सब पर ध्यान देबाक चाही। कखनो काल पेट मे गैसक कारण सँ सेहो छाती मे दर्द होइत अछि। ओ किछु खेला पिलाक कारण सँ होइत अछि आ ओ थोरे कालक बाद स्वयं ठीक भ जाइत अछि। स्थिर एनजाइना मे दर्द शरीरक स्थिति बदलला पर आराम होइत अछि। समुचित दवाइ और आराम ओकर उपचार थिक।  अस्थिर एनजाइना कें गंभीर मानि तुरन्त  और शीघ्राति शीघ्र नीक चिकित्सक एवं चिकित्सालय सँ संपर्क करवाक चाही। एहि मे दर्दक अनुभूति शरीरक कोनो पैटर्न मे होइते रहैत अछि। शरीरक पैटर्न पर निर्भर नहि रहैत अछि । **अस्थिर एनजाइनाक वास्ते या अन्य हृदय सम्बन्धित बीमारी
Read more